melynwy

Saddle up the Palomino

2006-04-21T12:35:00.000Z

Taloma wedi colli Sarabanda.
Mae'n antur.
Mae na Saethau ar y Paith.
Alltud o'r Cheyenne.
Pwy yw Brenin y Paith?

Stwnsh

2006-04-20T11:00:00.000Z

Fi a Tatws yn cerdded rhwng y blodau law yn llaw yn sgipio canu dawnsio let her go let her go god bless her yn sboncio'n sionc wherever she may be yn cuddio rhag y gwenyn blin a'r bloda menyn yn llenwi sgrin ein llgada she may search this wide world over medda fo wrth i Tatws wichian yn braf llawn ofn o weld gloyn byw yn swatio yn ei brethyn but you ain't never gonna find a sweet man like me medda fi wrth Tatws.

Screwdriver

2006-04-20T10:04:00.000Z

"mr holy hands blood in the sky said are you freedom man? we're young and fast lighting up the sky lighting up the sky"

mae'r cadfridog cariad yn cytuno efo fi.

hot!
hot!
hot!

have one yourself, chap.
will i get more if i stand on a chair and sing for you?

victory gin.

Jympyr wlan, pipell a seidar cartra

2006-04-07T21:04:00.000Z

Pryna pryna frwshys, pryna baent, pryna ganfas.

Codi bwthyn, magu mul, ffurfio teyrnas.

Ffendia graig, ffendia abwyd, bacha s'godyn.

Tyf dy datws, tyf dy bys, yf dy win.

Rhyw sblash gan rhyw don ar rhyw graig dan fy nhraed. Dwi'n picio i'r cefn i chwara gitar. Ti di gorffan dy lun?

Jympyr wlan gynnas braf.

Macrall i swpar.

Sab-otage

2006-04-05T21:38:00.000Z

Ohohohoho.

Mae Dai Sgaffalde mewn picil.

Ffwtlong

2006-04-05T21:29:00.000Z

Mae isho i Subway neud bechdana 9".

Ma 6" yn nonsens, a mae 12" yn ofyrload ar brydiau.

A dwi'n sycyr am sweet onion sauce.

Mi wn nad ydi Subway'n gret. Ond mae o'n taro sbot ar brydiau, a dwi'n teimlo yn euog yn mynd am ffwtlong bob tro.

Naw modfedd amdani.

Mae'r bola'n swmpus.

Dwi am seiclo nol a mlaen o'r dafarn o hyn ymlaen er mwyn ymaflyd a'r bolws.

Yeehaa.

Sarabanda X

Tamaid

2006-04-05T16:14:00.000Z

Rhyw damaid bach o fara i gadw'r crach yn fyw.

Mae dynion bach Sensible Soccer yn edrych fel cockles pan ma nhw'n gneud sliding tackles.

"I'd be completely absorbed by the music. We needed absolute quiet in the room while they were recording since the Kora is such a very quiet instrument. A song would end and you'd realise you'd been holding your breath. Hypnotised. It was terrible when those sessions ended. I wish I could have afternoons like that every day of my life, with the most sublime music just going on - forever."

In The Heart of the Moon

Mystery Girl

Eitha gwaith a'r pwdryn.

Sarabanda xxx

Lliwiau

2006-02-06T13:00:00.000Z

'Dwrnod o'r blaen mi gnociodd na ddyn mud a byddar ar y drws yn gofyn os oni isho prynu llunia gyno fo. 'Doedd geni'm ceiniog. Dwi di bod yn teimlo'n ofnadwy o euog fyth ers hynny.

Wy a wyr?

2005-12-14T21:51:00.000Z

Heno 'na, ers misoedd maith.

Newydd fod yn cael cipolwg dros ambell un o'r blogiau difyrraf, a meddwl, "Myn cebyst i, y llabwst boliog, oni fasai'n syniad taro gair neu ddau ar dy un di dy hun?"

"Iawn" medda fi.

Adolygiad o lenyddiaeth i'w sgwennu heno, blant, a finna newydd ddychwelyd o drip digon dandi i Gaerdydd. Y Pogues a'r Dropkick Murphys yn y CIA oedd y prif atyniad (a chdi hefyd Delyth, cariad, wrth reswm) a mi wnes i eu mwynhau'n fawr, er fod y swn braidd yn iwsles. Lot o hwyl, a braf oedd cael cyfnod estynedig efo'r annwylyd yn y ddinas.

Prynais ful, a mae'n o'n pw-pw sigarets. Unbeatable.

Prynais beil o CDs hefyd, ac ambell vinyl. Geshi afael ar "Manassas" (Stephen Stills) yn Spillers, a Manassas 2 ar vinyl yn y farchnad fawr efo stondin bysgod siwperb, a caffi bach sy'n gwerthu ffagots (gafoni ffagots i ginio). Gret oedd hynny, gan mod i di planio prynu'r ddwy albym ers cryn amser.

Ffarwel, dof yn ol yn fuan efo rhywbeth gwerth chweil i'w ddeud, ond sgwennais hwn, jysd i chi wbod mod i dal yn fyw.

Gwbei
XxX

Old Boy

2005-09-05T10:10:00.000Z

"Pint o' bitter please chap."

"What time do you start serving food?"
"Six"
"Six o' clock?"

Wrth gwrs mai sics o cloc y ffycwit di-glem.

Ie ie, na fe. Wedi bod yn gweithio dros yr haf, welwch chi, mewn tafarn yn nyfnderoedd Pen Llyn. Neis de?
Yn nyfnderoedd anghysbell gorllewin pell Cymru. Mai ffycin ars. Dyma lle mae'r pink-trouser brigade o Abersoch yn dod i drafod a bloeddio, cael diferyn yn ormod o win gwyn, a rhuo chwerthin dros glyfrwch a ffraethineb megis "Ooh, I'd show her where my button is, raaaaahahahahahaaaaaa!!!!".

Banc holide ai. Dyna oedd hwyl. Dim ond fi a un gwr hynaws arall yn gweithio yn 'rhen Sun. Lle yn soding pacd. Y stafell waelod, y stafell fwya, lle mae'r ffycwits i gyd yn bwyta ac yn dweud pethau megis "Mmmm, absolutely delightful dear", yn jam pacd, a tua 50,000 yn ciwio wrth y bar. Dim ond fi oedd tu ol i'r bar yn anffodus, gan fod y llall yn gorfod trafod y ciw o 50,000 arall oedd isho ordro bwyd. Fana oni'n "chwysu fel Ramirez mewn gig Pala" (copireit Tyrj/Llewelyn Richards) yn arllwys chwerw a spritzers i'r sgym, a be welishi ond yr hen sgragan hyll ma'n barjo ei ffordd drw'r crowd a gofyn yn uchel,

"Are you going to serve at the top bar or not?"

Edrychiad chwim dros fy ysgwydd tua'r bar top, lle roedd rhyw 3 person, yn cynnwys hi ai'r gwr.

*No i'm not going to serve at the top bar you daft fucking bint, it would make much more sense for you and your idiot husband to come down here and queue like everyone else, wouldn't it, strumpet?*

"I'll be there in a minute, sorry" (ffycin pwff, Aled. Ai, ond dwisho cadw'n job does, y ffwl. Ai oce, ffer inyff.)

Ie ie, na fe.

Mae "Ffycin Saeson" yn gymaint o ystrydeb, ond Iesu Gwyn mae English Abersoch yn haeddu fo. Dio'm byd i wneud efo bod yn genedlaetholgar na dim o'r fath, achos dwi'r un mor debygo o fynd "Ffycin Cymry" yn aml iawn pan dwi'n cal ordors gan ryw goc mewn crys rygbi i dorri'n ngwallt "y pwff" - "Duwcs" medda fi, "Ti'm yn edrych y math o foi sy'n poeni sut ma hogia eraill yn edrych, chwaith".

Everyday is Sunday.

Silver Tongue A. Shmoove

2005-06-17T22:41:00.000Z

'Mai?

Nos wener aye. So, be ti'n mynd i neud am y peth? Dwi'm yn gorfod mynd allan ar y piss bob wicend jysd am bo chdi'n gneud. Jibbar? Edrych fel bo fi'n poeni? Pfft, taw.

Eshi i Blaena wicend dwytha. Gret. Minor hiccups yn sgil gweithredoedd gwallgo Math, ond dyna ni. Gwych o wicend. Bands yn gret, rym yn rhad, a mi geshi weld Delyth ar ei phenblwydd, which was nice (feri nais, deud gwir).

Ers hynny dwi heb fod yn gneud dim byd o gwbwl, heblaw barbyciw teuluol bach digon pleserus ddydd sul dwytha. Ella ai bysgota fory.

Debyg iawn y bydd yn rhaid chwilio am swydd yn y dyfodol agos, ond gan fy mod yn feistr ar gyflawni'r graddau eithaf o sod ol, dwnim be wnai. Joban ddreifio fasa'r boi. Dwi di clywed hanes un- fe gychwynodd tua 1973... aaah ffyc it.

WYD IW FFYCIN BYLIF IT...

2005-05-14T01:52:00.000Z

I chi sydd ddim yn gwybod am be dwi'n hefru, darllenwch y blogiad cynt.

Mae o'n ol. Ma'r ffycar digywilydd yn ol. Yno roeddwn i'n trafod hyn a'r llall efo Sion Bob, a dyma Sionyn yn sbio tua'r nenfwd, gan ddatgan "be di hwnna?"

A thua'r nenfwd aeth fy llygaid innau. O swit jisys. Fanno roedd, yn hongian oddi ar y to, yn gwenu fel giat.

NEWSFLASH: Newydd fod yn ymchwilio, a dwi'n eitha sicr mai nid hornet oedd o, ond rhyw fath o chwilen. Edrych yn beryglus carniforys.

Mi ddeliais a'r gwalch yma dipyn yn ddewrach na neithiwr - boddais o mewn shaving foam,lluchio'r slwj i'r bin, yna rhoi mwy o shaving ar ben y slwj, cyn mynd a'r bin yn ddigon pell o fy ystafell. Mae unrhyw honiadau gan Sion Bob fy mod wedi troi i mewn i gibbering wreck agos at ddagrau yn gretli egsajyretud. Mi wnes i actio'n wrol iawn, a dwi'n falch ohonaf fy hun. Dwi ddim am gysgu heno achos dwi ofn mynd 'nol i'n stafell...

Wrth gwrs, y penbleth mawr sydd wedi codi o hyn yw ai yr un un oedd o? Os nage, yna mae na ddau, ac os oes dau, mae mwy. Os ia, yna mae'n golygu fod y basdad yn hel-bent ar fy lladd i. Anhebyg iawn yw mai'r un un ydio, gan i sglyfath neithiwr gael swadan go hegar efo slipar, cyn cael ei luchio bedwar storey lawr tua'r ddaear. Felly, mae'n ddrwg gen i ddweud, mae yna fwy. Bownd o fod. Dwi'n ded.

Tactical Warfare am 2 y bore

2005-05-13T19:40:00.000Z

Ychydig funudau cyn taro hanner nos ar ddydd Gwener y 13eg, roedd rhyw swn metalig, od a sinistr yn drybowndian allan o rywle pob hyn a hyn. Yno yr o'n i, yn gwylio ffilm eitha ffycin gachu ar BBC1, yn gorwedd yn fy ngwely, mygyn yn fy ngheg a neb arall yn y 'stafell. Neu felly y tybiwn.

Ar drawiad hanner nos, gan arwyddo dyfodiad y trydydd ar ddeg, clywais y swn dieflig eto, a sylweddolais "gwd lord, y mae'n tarddu o'r bin!". Yn betrus, llwyddodd fy nwydroed i ddarganfod y llawr, a sleifias yn nes at y bin, gan daro cipolwg nerfus i'w grombil. Yno, yn goc i gyd, yr oedd y basdad trychfil mwya welais i erioed. Hornet, mi dybiaf. Eiliad cyn i wastraff fy swper lenwi fy nhrons, cliriodd fy mhen, a gwawriodd yn araf fod rhyfel o'm blaen.

Ar yr eiliad honno, fel yr oeddwn yn prysur sylweddoli'r ymrwymiad a'm gwynebai, cododd y bwystfil gan hofran yn ddigwylidd o flaen fy llygaid llawn ofn, cyn plymio megis onion bhaji'r nos sadwrn am y llawr. Yno'r oedd. Yn llonydd. Dim smic.

Erbyn hyn, yn ddigon naturiol, roeddwn i wedi cilio i'r gornel wedi lapio yn fy nghwilt ac yn gwichian ac udo megis croten ysgol. Ond wrth ei weld yn llonydd, lenwodd fy mron a dewrder, a thaflais y cwilt tuag at y sglyfath. Ha! Trapped! Victory to the fat man!! Gadwais y cwilt am ei ben, a mynd i gysgu efo'r cwilt sbar (wel, ddim cwilt sbar fel y cyfryw, ond cwilt ar fenthyciad gan Bambi am fod rhywun wedi penderfynu y basa bachu fy nghwilt i'n syniad doniol. Mi r'on i wedi cael fy nghwilt i'n ol erbyn, fodd bynnag)

A dyma fi'n ol i fy ngwely, rowlio mygyn arall, a tharo fy llygaid yn ol ar y ffilm. Splendid. Popeth yn gret am rhyw hanner awr, dri chwarter.

Mmmm... pendwmpian... hyfryd... bawd yn fy ngheg... llithro i ddyfnderoedd cwsg... coes yn cosi...dechrau breuddwydio... y cosi'n symud i fyny fy nghoes...dim breuddwyd... WAAAAAARGH
Y BASDAD MYDDYRFFYCIN HORNET.

"This ain't over, fatty" meddai'r cawr.

Digon tebyg i'r un cynt oedd y frwydr a ddilynodd, ond y tro yma llwyddodd y cont i fynd tu mewn i'r lampshade, gan daflu cysgod enfawr ar y waliau. Gwichiais. Roedd ei golyn tua troedfedd, a dau gorn uffernol am ei ben. Wedi tipyn, fodd bynnag, fe aeth yn ol am y llawr, ac wedi i mi stopio beichio crio, taflais y cwilt ato eto, a'r tro yma ro'n i'n berffaith bendant fod y diawl yn hollol sownd. Nol i'r gwely a fi.

Bzzzzzzzzzzzzzzzzzzzzzzz (roedd o'n swn lot gwaeth na rhyw bzzz bach gwantan, ond dwi'n diodda, a ma'n anodd iawn meddwl yn glir)

Poppycock! Roedd o wedi dianc. Eto. Yn amlwg, roedd y trychfil yn berchgen gallu ymennyddol aruthrol, a rhaid oedd i minnau glirio fy mhen unwaith rhagor a sleifio o fy lloches yn y gornel. I lawr a'r bwbach.

Gyda hunan-hyder a digywilydd-dra a ddylai fod yn anghyfreithlonl i unrhyw un heblaw Hefin Argraig, glaniodd y gwalch ar fy ngwely. Fy ngwely i. Fi. Dyna'r hoelen olaf, roedd hyn yn bersonol. Os y collwn i'n awr, yna collwn holl sylfaen fy modolaeth. Y cwilt ddefnyddais fel arf unwaith eto, ond bellach, roeddwn i wedi dysgu meddwl o flaen llaw. Roedd y cythraul yno, ar fy ngwely, o dan y cwilt, ac mi wyddwn yn union beth i'w wneud. Gyda esmwythdra a fuasai'n gwneud i Disco Stu wingo a chenfigen, chwipiodd fy llaw chwith y cwilt o'r neilltu, ac wedi hanner eiliad o edrych i fyw llygaid ein gilydd, gwyddai'r Hornet fod y dyn gorau wedi ennill, ac i lawr a'r sliper yn fy llaw dde. Thymp. Perffaith. Dim gormod o bwer fel bod caserol hornet ar fy ngwely braf, ond digon i roi diwedd ar y gwalch.

Ffycin sgeri, dwi'n deu' tha chi.

wwwwww, difyr!

2005-04-25T03:05:00.000Z

Helooooooooo, ooooow, ti'n owcei? Mae hyn fe, moooor, rong, ma traethawd arall 'da fi, a fi, jysd, laic, mooooooor ffili neud e.

Hehehehehelo. Am ryw reswm hurt, dwi heb ddefnyddio gallu cyfrifiaduron y coleg i chwarae CDs tra dwi'n gwneud traethodau grombil nos o'r blaen. Dwi am neud defnydd helaeth heno.
Wrthi'n gwneud traethawd ar Karl Marx, a dyma'r proposed playlist:

Neil Young - After the Goldrush
New Order - Power, Corruption & Lies
Pink Floyd - Wish You Were Here
GNR - Live
Compilation The Score
Ashokan - 2
Led Zep II
Led Zep IV
Compilation Southern Soul
Mwsog

Dylai fod yn ddigon am chydig oriau, aye.

Newydd ffendio allan fod Karl Marx wedi marw ar yr un dyddiad a 'mhenblwydd i. Chai ddim marciau am hynny, debyg.

Mae mwy na hyn yn rhywle (oes mwy na hyn yn Rhyl?)

2005-04-15T11:36:00.000Z

Ysgrifennwch draethawd ar y nofel hanes, gan gyfeirio at enghreifftiau penodol.
Sai'n soding becso.

Bore da. Ia, dyna chi, yr adeg yna o'r tymor unwaith eto, lle dwi'n ymgeisio i 'sgwennu traethawd hirfaith hyfryd flodeuog, ac felly'n llenwi fy mlog.

Newydd lawrlwytho albym Mwsog o'r fan hyn wedi gweld y linc ar Morfablog.
Wrthi'n gwrando arno rwan tra'n ffurfio traethawd hyfryd o half-arsed, ac yn wir, mae o'n splendid (Mwsog, nid y traethawd). Mae'n fy atgoffa o Radiohead, OK Computer-era ar brydiau, ond ddim yn ormodol, a mae'r dynamics yn ffycin wych.

Deud y gwir, dwi'n chwara fo'r syniad o fynd i weld Mwsog yn Betws y Coed nos fory (wel, heno, bellach) a mynd i Fangor i weld Texas Radio Band nos sadwrn. Dylai fod yn hwyl, ond ma'n dibynnu sut hwyliau fydd arnai.

Mae Sion Kamikaze fyny'r grisiau yn prysur ddisgyn i gysgu, mi dybiaf. Dio'm yn cal panad achos mond un myg sydd geni, a ma gyno fo ddolur annwyd. A dwi'm isho dolur annwyd. Hoffwn eich hysbysebu yn ogystal fod Ciron Gruffydd, Tremadog wedi' heglu hi lawr dre efo fy unig leitar ers ddoe, ac o ganlyniad dwi wedi bod yn gwneud defnydd helaeth o'r rings cwcio ar y stof i danio fy Lucky Strikes. Sy'n llosgi fy ngwyneb, rhyw fymryn.

TEYRNGED I EFFEITHLONRWYDD CYMDEITHAS FODERN:

Fasa 'na ddim problem 'taswn i'n byw mewn coeden
Mi fasa popeth yn iawn 'swn i'n byw mewn den
Fasa 'na ddim problem 'taswn i'n byw mewn coeden
Ond mae'r teledu wedi chwalu fy mhen

'Sgen i ddim dychymyg ar ol
'Sgen i ddim dychymyg ar ol
'Sgen i ddim dychymyg ar ol
Mae'r teledu wedi chwalu fy mhen

Twat.
______________________________________________________________

What a mighty motherfucking fine day, eh? A fine day for drinking, whoring, smoking and general midemeanours of youth. Ffyc off, dwi'm isho gwbod. Waliau gwyn, coridors gwyn, golau gwyn. Ma'n erbyn y ffycin rheola rhoi mwy na hyn a hyn o bosteri ar y wal. Free for all, fuck 'em all. Meet me at the wrecking ball, wear something pretty and white and we'll go dancing tonight. Tonight's the night. Noson i'w chofio. Noson hyfryd, dim ffycin leitar, y conting ffocing soding vending mashin yn wag. Drunken fools ym mhob man. Y bobol yna dwi ddim yn meindio pan dwi'n gweld nhw, ond unwaith ma'r drws di cloi a dim byd 'mond swn ym mhobman, ma nhw'n cymryd rhyw fywyd newydd. Jysd lleisiau. Ffycin lleisau. Cau dy ffycin geg. Sugnwyr pidyn Satan, pob un.

Wwwwwwwwww blin. So wot? Tisho mynd a hyn tu allan? Gei di weld diwrnod mor braf ydi hi. Gei sbio i fyw llygad yr haul, a'i deimlo fo'n llosgi dy llgada di'n ddim. Fyddi ditha'n ddim ond llwch yn y diwadd chwaith, y mwydryn hurt.

Mmmmmm, hyfryd.

Rizlas, Matsys a Lamberts blwydd oed.

2005-03-14T12:35:00.000Z

Ia chi.
Newydd sylweddoli ei bod yn bell wedi hanner nos, ac o ganlyniad mae hi'n ddiwrnod fy mhenblwydd i. Dwi'n 20. Er mwyn dyn, dwi'n 20. Ffyc off, a dyna ddiwadd ar hyna.

Yn ystod y dyddia dwytha, dwi wedi dysgu fod gan Sion Kamikaze fag o o betheuach jyncaidd yn ei stafell. Yn ystos y dyddia dwytha hefyd, dwi wedi dod i ddibynnu, i barchu a hyd yn oed i garu- os nad addoli- y bach bach yma. Canys: o grombil y bag, mae 'na focs o fatsys, leitar, rizlas a paced o ffags wedi ymddangos. Llwyr anhygoel o gysidro fy mod unai'n desbret am
a) matsys/leitar
b)rizlas
c)ffags
ar y pryd, ac hyd yn oed yn fwy anhygoel pan ystyrir y ffaith nad yw Sion yn smocio. O gwbwl.

Neshi wylio'r rygbi pnawn 'ma. Neis.

Nos wener mi eshi i'r Cwps i weld gig bach gret gan Simon Fenks, Mudiad Pwsi Meri Mew, David Mysterious a'r gwefreiddiol Radio Luxembourg:

Simon Fenks yn dda wedi iddo cael ei ddanedd mewn i'r peth, er mai set fyr oedd hi.

Pwsi Meri Mew yn ffabiwlys. Doni ddim yn gwybod be i ddisgwyl, yn enwedig o gysidro eu bod nhw ond wedi taflu set at ei gilydd y noson cynt.

David Mysterioud yn llwyddo i fod yn wych ac yn crap, ar yr un pryd bron. Aviators. Cwl.

Radio Lux i orffen. Y gorau dwi wedi gweld nhw, a dwi wedi wedi cael fy syfrdannu bob tro dwi wedi gweld nhw. Bu ond y dim i lawr top y Cwps ddymchwel yn deilchion dros beintiau a chreision y trigolion hamddenol islaw.

Rock on.

canol nos a hithau'n dawel

2005-03-07T11:10:00.000Z

Synnwn i daten nad oes neb yn darllen yma mwyach.

Wedi bod yn trafod gyda Sean Blean Bobbe am daro gig ymlaenm yn Lolfa Fawr Pantykelyn. Mae'r lle ddigon mawr, a sa'n ffycin cwl injectio 'chydig o fywyd a chythral i galon y 'sglyfath lle.

Gig Naws yn y cwps nos wener. Un o'r goreuon, mi dybiaf. Set byr ond hyfryd gan Gwilym Morus, a da oedd gweld artist acwstig yn cael gwrandawiad teg heb ryw ffycin idiots yn gwichian chwerthin megis mochyn mewn ffatri fwd. Winabego wedyn. Mwynhau'n fawr. Dwi wedi eu gweld nhw'n well, dwi'n meddwl, ond doedd 'na ddim yn siomedig am y perfformiad yma chwaith, a ma'r stwff newydd yn swnio'n gret. Cyfar glyfar o Pwdin Wy I gan Rhuff Grys hefyd.

Mattoidz wedyn. Ffwwwoooaaacinhel. Y gorau dwi wedi eu gweld nhw, a gwd lord dwi wedi eu gweld nhw'n dda o'r blaen. Roeddan nhw'n wych, yn enwedig ar ddechrau Angel, efo swn gitar ffycin ENFAWR wedi ei smyddro mewn reverb ac echo a phetheuach felly yn llenwi top y Cwps yn llwyr. O mor 80au, O mor Bon Jovi hyd yn oed, ond O mor ddoniol hyfryd berffaith. Bron fel y Final Countdown.
Heblaw am hynny, roedd popeth yn wych hefyd. Y Dyn Telesales, Sos Coch a'u tebyg yn cael eu hamro allan efo'r fath arddeliad mi wnes i hyd yn oed godi ac ymuno a Myfyr, Elidir and co. yn eu mosh misol.

Gig Steddfod Rhyng-Gol neithiwr. Unwaith eto, ecsylynt. Radio Luxembourg ydi fy hoff fand yng Nghymru ar hyn o bryd, o bosib. A mi oeddanw'n wych. Nesi ddim dal llawer o Brigyn, ond roeddanw'n swnio'n ffein- ella heb berffeithio#'r act newydd efo'r laptop a ballu eto.
Frizbee i gloi. Ma nhw yn ffwc o fand bach tyn a thaclus.

A rwan. Dwi ar fy nhraed ganol nos achos fod geni ddarlith am 10, felly doesna'm pwynt cysgu. Chwant peint arnai hefyd.

Ella nai drio sgwennu a recordio pwt o gan yn munud, gan fy mod wedi bachu wah-wah Mr S.M. Owen, a mae gen i ddigon o arian yn fy mhoced am ddiferyn o Sprite o'r fending mashin.

Henffych, a fuck off.

teitlau yw'r poendod mwyaf

2005-02-02T08:25:00.000Z

A dyna'r teitl allan o'r ffordd.

Wedi dychwelyd o antur fawr arall yng Nghaerdydd, antur na chofiaf brin ddeg munud ohoni, dwi wedi bod yn cysgu llawer.

Mi 'nes i ddeffro bore ma, cael cawod, paned a smoc, eilliad a golchi 'nannedd, gan deimlo'n hynod smyg wrth feddwl 'mod i wedi codi yn y bore a wedi gwneud rhywbeth. ac y gallwn fynd allan i fwynhau gweddill y dydd. Siom a gefais pan sylwais ei bod yn tynnu am 2 o gloch y p'nawn, felly mi nes i bwdu drwy'r dydd.

Wel ddim cweit, ond oni braidd yn pissed off, a neshi'm mynd i nunlla.

Mi gesi wybod am fwy o fy antics dros y penwythnos gan Mr. Sion Kamikaze, ac am ryw reswm, doedd r'un yn fy synnu.

Mi 'nes i hefyd lwyddo i sortio fy amserlen allan, ond d'ai ddim i ddarlith bora fory, achos dim ond cyrraedd, treulio hanner yn ffendio'r stafell, a phenderfynu ei bod hi lot hwyr i gerddad i mewn wnai.

Mynd i recordio trac i Bandit hefo'r Eryr ddydd sul, felly nol lawr i Gaerdydd a ni, er mawr siom i amryw o drigolion hyfryd y ddinas.

Yn wahanol i amryw o 'flogwyr' eraill, tydwi ddim yn 'sgwennu dim o werth, na rhoi dolennau difyr i wefannau eraill yma. Mae hynny'n syml am fod well gen i ddarllen a sgwennu jibyrish na trio dangos gwybodaeth ddifyr i bobol eraill. Ella y gwnaiff hyn newid os nai ffendio rhywbeth difyr sydd heb gael ei ffendio'n barod.

Dwi bron bron bron iawn a chael rant gwrth-goleg, gwrth-Bantycelyn, gwrth-addysg a gwrth-fywyd.

Ond nai ddim, achos mae hynny rhy hawdd, a mi fydd yn rhywbeth i'w wneud yn y dyfodol, pan fydd 'ma wedi ngyrru fi'n fwy reclusive a blin.

Mil o weithia dwi 'di gweld...

2005-01-09T00:41:00.000Z

Heno, mi eshi i dafarn Tu Hwnt i'r Afon (Twnti) i weld Alun Tan Lan. Roedd o'n swpyrb. Er fod y dafarn yn eitha llawn, dim ond llond dwrn oedd oedd yn gwrando. Nêmli: myfi, Mr. Math Selador, Mr. Telor Finch, Mr. Tegid Dean, Mr. Llifon Mwsh, Mr. Dyl Mei, Mr. Hefin Size, Miss Sian Mwddrwg ac ambell i fod dynol arall nad oeddwn yn eu hadnabod.
Biti garw. Ond eto, roedd yn sicr yn werth mynd. Dosbarth.

Neithiwr mi nathoni (Eryr) chwara ein set acwstig gynta' yn y Fic yn Llithfaen, efo Shani Flewog a Pala.
Roedd Shani Flewog yn anhygoel wir, yn enwedig y solo 'trombon'. Ffenomenal. Fydd gen ti'm pen-ol ar ol, yn wir.
Pala wedyn, hyfryd, caneuon cofiadwy, catchy, a bassist sdyning.
Ath yn set ni yn ok dwi'n meddwl. Roedd y swn yn doji, a'r gitars ddim i'w clywed yn iawn, ond mi roedd o'n hwyl.

Clywais gynna fod Dyl Mei wedi bwriadu dod i'r gig, a'i fod wedi cael tacsi i'r Fic... a landio fyny yn Fic Felinheli! Fool.

Yfwyd gwin coch a chwisgi yn nhy'r Size wedyn, a gwnaed llanast aruthrol. Ond mi wnesi brynu Curiosity Cola a thedi bêr coch i wneud iawn am y cyllyll yn y waliau, y slwj ar y lloriau a'r cur yn ein pennau.

Mynd i weld Dr. John ym Manceinion ddydd Mercher gobeithio, a Gruff Rhys yn Aberystwyth ddydd gwener.

Hwyl 'tiiiiiiiiiiiii.

Oer

2005-01-01T21:04:00.000Z

Dwi'n oer. Mae'r ty ma'n oer. Mae pawb mor oeraidd.

Croeso, dwi wedi trio dechra blog newydd, achos methiant fu'r llall, ond dwi'n lecio'r syniad.

Blwyddyn Newydd Dda, fel mae pawb yn ddymuno, felly mi ddymuna inna hefyd.